Գրքում տրւում են բիւզանդական հայազգի կայսր Կոստանդին VII Ծիրանածինի աշխատութիւններից Հայաստանին և հայերին վերաբերվող բաժինների, նոյն Հեղինակ ի գրչին պատկանող Մակեդոնական հարստութեան հիմնադիր՝ հայազգի Վասիլ I կայսեր ընդարձակ կենսագրութեան, ինչպէս և Քրիստոսի Անձեռագործ պատկերի մասին երկի ամբողջական թարգմանութիւնները:
Նշւած աշխատութիւնները անգնահատելի արժէք են ներկայացնում IX և X դարի առաջին կէսի հայոց պատմութեան, հայ-բիւզանդական յարաբերութիւնների, հայերի՝ բիւզանդիայում խաղացած դերի ուսումնասիրոյւթեան համար:
Գիրքն ունի ընդարձակ առաջաբան և մանրամասն ծանոթագրութիւններ:
Մենագրութիւնը նւիրւած է հին Հայաստանի և նրա հարևան հելլենիստական երկրների քաղաքների սոցիալ-տնտեսական և քաղաքան կառուցւածքի սոցիալ –տնտեսական և քաղաքական կառուցւածքի ուսումնասիրմանը:
Յունա-հռոմեական և հայկական մատենագրութան, ինչպէս նաև անտիկ արձանագրութիւնների ընձեռնած տւեալների, մանրազնին ուսումնասիրութիւնը, հեղինակին հնարաւորութիւն է տւել բացայայտելու քաղաքների զարգացման հետ կապւած մի շարք կարևոր և էական երևոյթներ:
Գրքում տրւումէ XI դ. երկրորդ կէսի բիւզանդական խոշորագոյն ժամանակագիր Յովհաննէս Սկիլիցեսի «Համառօտութիւն պատմութեանց» երկի երկրորդ՝ ինքնուրոյն մասի (959-1057), ինչպէս և նրա «Շարունակութեան» (1057-1081) ամբողջական թարգմանութիւնը: Յիշեալ երկը XI դ. բիւզանդական ամենակարևոր աղբիւրն է առարկայ ժամանակաշրջանի ոչ միայն կայսրութեան պատմութեան, այլև հարևան երկրների ու սելջուկների նւաճումների ուսումնասիրութեան: