Աշխատութեամ մէջ հայ հասարակական-քաղաքական կեանքի ֆոնի վրայ ուսումնասիրւած է «Փորձ» (1876-1881) և «Արձագանք»(1882-1898) պարբերականների պատմութիւնը և դրանց դերը հայ հին հասարակական մտքի պատմութեան մէջ: Վեր է հանւած «Փորձի» և «Արձագանքի» վաստակը արևմտահայութեան վիճակի քննարկաման և անցեալ դարի վերջին քառորդում հայկական հարցի հետ կապւած իրադարձութիւնները լուսաբանելու գործում:
Առանձին բաժիններ են նւիրւած ժամանակի հայ պարբերական մամուլի օրգանների միջև տեղի ունեցած բանավեճերին, «Փորձի» և «Արձագանքի» հիմնական աշխատակիցների և թղթակիցների գործունէութեանը:
Շրջանառութեան մէջ են դրւած վերոյիշեալ պարբերականների համար տպագրութեան ներկայացւած և գրաքննութեան կողմից մերժւած բազմաթիւ նիւթեր ու արխիւային նոր փաստաթղթեր: