Գիրքը նւիրւած է ԵՊՀ անդրանիկ ֆակուլտետի՝ պատմալեզւաբանականի հիմնադրման 95-ամեակին: Ներկայացւած է ֆակուլտետի և նրա հիմքի վրայ առաջացած ինքնուրոյն ֆակուլտետների անցած ուղին՝ հիմնադրումից մինչև մեր օրերը:
Նախատեսւում է համալսարանի պատմութեան հարցերով հետաքրքրւող ընթերցողների համար:
ԵՊՀ-ն կարևոր դերակատարում է ունեցել Արցախեան գոյապայքարում: Բազմաթիւ համալսարանականներ, թողնելով ուսանողական լսարանը և գիտամանկավարժական աշխատանքը, միացան պայքարին: Նրանցից շատերը, զէնքը ձեռքին, մեկնեցին Արցախ՝ մասնակցելու հայրենիքի ազատագրման սուրբ գործին:
Գրքում զետեղւած են Արցախեան գոյապայքարին համալսարանականների մասնակցութեանը վերաբերւող կարևոր կենսագրական տեղեկութիւններ, յուշեր, վավերագրեր, որոնց մեծ մասը առաջին անգամ է հրատարակւում:
Ժողովածուն ներառում է 2012 թ. Երևանի պետական համալսարանում անցկացւած «Հայկական ինքնութեան խնդիրները 21-րդ դարում» գիտաժողովի զեկուցումները: Գիտաժողովը կազմակերպել էին Երևանի պետական համալսարանը և Բէյրութի Հայկազեան համալսարանը: Այն ըստ էութեան շարունակութիւնն էր մէկ տարի առաջ Բէյրութում կազմակերպւած գիտական համաժողովի, որը առաւելապէս նւիրւած էր երկկողմ համագործակցութեան ընդհանուր ուղիների և ծրագրերի քննարկմանը:
Այս գիտաժողովի նպատակը աւելի որոշակի էր. քննութեան առնել հայ ինքնութեան ամենատարբեր երեսներն ու բաղադրիչներն, տեսական նիւթ ամբաէել հարցի հետագայ ուսումնասիրութիւնը խորացնելու և զարգացնելու համար, գործնական նշանակութիւն տալ այդ ուղղութեամբ կատարւող աշխատանքներին:
Վաւերագրերի և հարուստ փաստական նիւթերի հետազօտութեան հիման վրայ կառուցւած այս գիրքը ուրւագիծ է Սովետական Միութեան մարշալ, Սովետական Միութեան կրկնակի հերոս Ի. Ք. Բաղրամեանի կեանքի ու գործունէութեան մասին:
Հեղինակի գրչի տակ վերակենդանանում են հերոսի կեանքի պատմութեան էջերը, զինւորից մինչև մարշալը ձգւող նրա ուղին. Յեղափոխութեան զինւորի ձևաւորումը, նրա մասնակցութիւնը Հոկտեմբերեան յեղափոխութեան յաղթանակի համար մղած մարտերին, Հոկտեմբերի նւաճումների պաշտպանութեանը, ուսումը ռազմական ակադեմիաներում, ծառայութիւնը զօրքերում, մասնակցութիւնը հայրենական մեծ պատերազմում մղւած մարտերին՝ պատերազմի առաջին օրից մինչև վերջին օրը:
Գիրքը նախատեսւած է ընթերցողների լայն շրջանների համար:
مرتب سازی درج پیشنهاد خرید پالایش جستجو جستجو در منابع سایر کتابخانه ها
