Այս գրքի հեղինակը ՝ Գրիգոր Վարդումեանը, ցաւօք, այլևս ապրողների հետ չէ: Նրա կիսատ թողած գործը աւարտին հասցնելու ազնիւ ձգտումն է մղել ԱՄՆ Գլենդէյլ քաղաքում ապրող Խորեն Մանուկեանին ՝ աւարտին հասցնելու և տպագրելու իր ընկերոջ գիրքը: Նրանց, իրենց հասակակիցների և իհարկէ հայրենի գիւղի մասին է այս գիրքը , մարդկանց ովքեր անցնելով ցաւի ու տառապանքի ուղիներով, հաւատարիմ մնացին նախնիների արեան կանչին: Ու թէկուզ ճակատագրի բերումով սփռւեցին աշխարհում, բայց իրենց հոգում քնքշօրէն կրեցին ու շարունակում են կրել ծննդավայրի ու նրա մարդկանց լուսեղէն կերպարները: