«Ուղեցոյց Երիտասարդ Դեսպանին. Փաստարկներ Հայոց Ցեղասպանութեան մասին» գրքի շրջանակներում ուսումնասիրւել է Հայոց Ցեղասպանութեան մասին թրքական գրականութիւնն ու հակահայկական կայքերի քարոզչական բնոյթը: Այս բնագաւառի ճանաչւած հայ մասնագէտների հետ համատեղ փորձ է արւել տալ հնարաւորինս հիմնաւոր, սեղմ եւ ընդգրկուն պատասխաններ ժխտողական հիմնական թեզերին: Գրքում մասնաւորապէս քննարկւում են թուրքիայի ժխտողական քաղաքականութիւնը, Ցեղասպանութեանը զոհ գնացած հայերի թիւը, հայերի ինքնապաշտպանութիւնները, բռնագաղթի՝ որպէս բնաջինջ գործիքի օգտագործումը, ինչպէս նաեւ Օսմանեան դատարանի կողմից հայերի կոտորածների դատապարտումը:
Գիրքը նախատեսւած է արտասահման մեկնող երիտասարդների համար, ովքեր այս կամ այն ձեւաչափով քննարկելու են Հայոց Ցեղասպանութիւնը կամ հանդիպումներ են ունենալու թուրք գործընկերների հետ: Գիրքն անշուշտ շատ հետաքրքիր եւ ուսանելի կը լինի Հայոց Ցեղասպանութեան պատմութեամբ հետաքրքրւած ընթերցողների լայն շրջանակի համար: