Կիրակոս Գանձակեցին XIII դարի հայ պատմիչ է: Ապրել է ու գործել մոնղոլների Անդրկովկասեան արշաւանքների ժամանակ: Քաջածանօթ է հայոց պատմութեանը եւ հայ հին գրականութեանը: Ճշմարտաբան պատմիչ է, եւ նրա պատմական տեղեկութիւնները Անդրկովկասի, Հայաստանի եւ մանաւանդ մոնղոլների արշաւանքների մասին լայն ճանաչում են գտել Հայաստանի սահմաններից շատ հեռու: Ամիսներով եղել է Մոնղոլիայի զօրավարներից մէկի քարտուղարը: Իր գրքում լայնօրէն պատմում է մոնղոլների մասին եւ իբրեւ նմուշ բերում է մոնղոլական շատ բառեր՝ ընթերցողին ծանօթացնելու նրանց եւ նրանց լեզւին:
Թարգմանութիւնը կատարւած է Կիրակոս Գանձակեցու «Պատմութիւն հայոց» աշխատութեան գիտա-համեմատական բնագրից, որը պատրաստել է ակադեմիկոս Կ. Ա. Մելիք-Օհանջանեանը:
XIII դարի հայ նշանաւոր հայ պատմագիր Կիրակոս Գանձակեցու «Հայոց Պատմութիւնը» Հայաստանի, Մերձաւոր Արևելքի և մոնղոլների ՝ միջին դարերի պատմութեան ամենահիմնական սկզբնաղբիւրներից մէկն է: Կիրակոսի «Պատմութեան» ներկայ գիտական-քննական բնագիրը պատրաստւած է հայկական ՍԱՌ Մինիստրների Սովետի առընթեր Հին ձեռագրերի գիտահետազոտական ինստիտուտ-«Մատենադարանում» պահպանւող շուրջ 30 ձեռագրերի բաղադրութեան հիման վրայ:
Աշխատութիւնն ունի ընդարձակ «Առաջաբան», որտեղ ներկայացւած են Կիրակոս Գանձակեցու կեանքն ու գործունեութիւնը և պատմական-բանասիրական մանրամասն վերլուծութեան է ենթարկւած նրա «Պատմութիւնը»:
Գիրքը նախատեսւած է պատմութեամբ զբաղւող գիտնականների, հայագէտների և մոնղոլագէտների համար:
مرتب سازی درج پیشنهاد خرید پالایش جستجو جستجو در منابع سایر کتابخانه ها
