Ժողովածուի մէջ զետեղւած է չորս աշխատութիւն:
Առաջին աշխատութիւնը՝ «Հ. Դաղբաղեանը բառարանագիր» (հեղինակ՝ Է. Ս. Վարդումեան, խմբագիր Գ. Կ. Գասպարեան) նւիրւած է Հ. Դաղբաղեանի ռուս-հայերէն և հայ-ռուսերէն բառարանների քննութեանը:
Երկրորդ աշխատութիւնը՝ « Ռուսերէն բառերի բառա-քերականական յատկանիշների արտայայտումը հայերէնում» (հեղինակ՝ Ի. Դ. Ստրելցովա, խմբագիր՝ Հ.Հ. Կոստանեան), ռուս-հայերէն բառարանագրութեան տեսութեան մի փորձ է՝ հիմնւած ռուս-հայերէն քառահատոր բառարանի նիւթի վրայ:
Երրորդ աշխատութեան մէջ՝ «Յաճախականութեան բառարանը հայոց լեցւի մինիմում-բառարանի հիմք» (հեղինակ՝ Բ.Կ. Ղազարեան, խմբագիր՝ Թ. Ա. Ղարագիւլեան), քննւում են յաճախականութեան բառարանների կազմութեան սկզբունքների ու մեթոդների, ընտրանքի առանձնացման, թեմատիկ բառացանկերի հետ կապւած տեսական ու գործնական հարցեր և այլն:
Չորրորդ աշխատութիւնը՝ «Հայերէնի բազմապատկական ածանցները և ածանցաւոր բայերը» (հեղինակ՝ Հ.Գ. Յակոբեան, խմբագիր ՝ Ս.Գ. Աբրահամեան), նւիրւած է հայերէնի պարզ և բաղադրեալ կերպածանցների ծագման և դրանցով կազմւած բայաձեւերի բառա-քերականական յատկանիշների համառօտ քննութեանը: