Մեսրոպ Մաշտոցի ծննդեան 1600-ամեակի առթիւ հրատարակելով Կորիւնի «Վարք Մաշտոցի» երկը՝ ակադեմիկոս Մանուկ Աբեղեանի աշխարհաբար թարգմանութեամբ, հրատարակչութիւնը անհրաժեշտ համարեց գրքի սկզբում դնել մեծանուն գիտնական «Մեսրոպ Մաշտոցի և հայ գրի ու գրականութեան սկիզբը» ուսումնասիրութիւնը, հրատարակւած «Սովետական գրականութիւնը» ամսագրի 1941 թ. N N 1 և 2-ում: Նոյն ուսումնասիրութիւնը հետագայում հեղինակն օգտագործել է իր «Հայոց գրականութեան պատմութեան» առաջին գրքում (Երևան, 1944 թ.), կարևոր լրացումներով ու փոփոխութիւններով, որոնք փոխանցւած են այստեղ:
Կորիւնի «Վարք Մաշտոցի» երկը հայերէն լեզւով գրւած առաջին աշխատութիւնն է և նիւրւած է Մեսրոպ Մաշտոցի կեանքի ու գործունէութեան, հայ գրի ու գրականութեան ստեղծման պատմութեանը: