«Մատենադարանի պարսկերէն վավերագրերը » մատենաշարի «Կալւածագրեր» այս անդրանիկ հատորը պարունակում է XIV—XVI դդ. Պարսկերէն, մասամբ նաև արաբերէն 27 արժէքաւոր կալւածագրերի նմանահանութիւններն (Ֆաքսիմիլէ) ու վերծանւած բնագրերը՝ հայերէն ու ռուսերէն թարգմանութեամբ, տեքստաբանական ու պատմա-բանասիրական բնոյթի ծանոթագրութիւններով և բնագրերում հանդիպող վարչա-տնտեսական, ագրարային տերմիների հարուստ բառարանով :
Հատորի առաջաբանում քննութեան են առնւած XIV—XVI դդ. Ֆեոդալական հողատիրութեանն ու ագրարային յարաբերութիւնների պատմութեանը վերաբերող բազմաթիւ հարցեր:
Աշխատանքում ջուղայահայ վաճառականների XVII—XVIII դարերի հաշւեմատեանների և արխիւային փաստաթղթերի ուսումնասիրութեան հիման վրայ քննարկււոմ են Նոր Ջուղայի վաճառականութեան ծաւալուն գործունէութիւնը և դէրը, մասնաւորապէս, հայ-ռուսական առևտրատնտեսական յարաբերութիւններում, ջուղայահայ նշանաւոր առևտրական ընլերութիւններն ու նրանց կազմակերպչական սկզբունքները, հայ խոջայական միջավայրում վարկադրամական յարաբերութիւններին վերաբերող բազմաթիւ հարցեր:
Մենագրութիւնը նախատեսւած է պատմաբանների, տնտեսագէտների, ինչպէս նաև ընթերցող լայն շրջանների համար:
«Տնտեսական պատմութեան վաւերագրեր» մատենաշարի սոյն երկրորդ գրքով հրատարակւող Հաշւեմատեանը բովանդակում է Շահւելու որդի Սարհադի և նրա ընտանիքի 1711-18 թթ. Ծաւալւած առևտրական գործունեութիւնը և հանդիսանում է մի կարևոր սկզբնաղբիւր հայ առևտրական կապիտալի հետազոտման համար:
Գիրքը նախատեսւած է պատմաբանների և տնտեսագետների համար:
Աշխատութեան մէջ ներկայացւում են XIV—XV դդ. Հայ տոմարագէտ Յակոբ Ղրիմեցու երկերը, որոնք հայոց տոմարի բազմադարեան պատմութեան մէջ նշանակալից տեղ են գրաւում: Այդ երկերում քննարկւած են բնաքիտական, փիլիսոփայական տարբեր հարցեր:
Նախատեսւած է գիտութեան պատմութեան հարցերով հետաքրքրւողների համար: