Թատերական օրացույց 2010 –ում տեղ են գտել թատերական արւեստի տարբեր բնագաւառների այն գործիչները, թատերա-մշակոյթաին կազմակերպութիւնները, հանրահայտ պիեսների առաջին բեմադրութիւնները, հայ թատրոնում բեմադրւած օտարազգի հեղինակները, որոնց հոբելեանական տարելիցները լրանում են այս տարի:
Գրքում ժամանակագրական կարգով տրւած են Սունդուկեանի «Պեպօ» կատակերգութեան «Կենսագրութեանը» վերաբերող բազմաբնոյթ նիւթերի՝ հրատարակութիւնները, թարգմանութիւնները և փոխադրութիւնները ՝ բարբառներու, գրական լեզւով և արևմտահայերէն (տպագիր և ձեռագիր) պիեսի մասին ուսումնասիրութիւնները, Սունդուկեանի մակագրութիւնները թատերական գործիչներին նւիւած օրինակների վրայ, ինչպէս նաև դերակատարների մակագրութիւններն իրենց լուսանկարների վրայ, քաղւածքներ տպագիր և ձեռագիր (անտիպ) գնահատութիւններից: Օգտագործւած են ուղերձներ, նամակներ, հեռագրեր, ծրագրերազդագրեր, բանաւոր վկայութիւններ, որոնք բազմակողմանի պատկերացում են տալիս հեղինակի և նրա անմահ ստեղծագործութեան բեմադրութիւնների հարուստ պատմութեան մասին: Այն կարող է օգտակար լինել Սունդուկեանով ու հայ օտար թատրոնների պատմութեամբ զբաղւողներին:
Սոյն ժողովածուն ընդգրկում է ԼՂՀ պաշտպանութեան նախարար, ՊԲ հրամանատար, Արցախի հերոս, «Ոսկէ արծիւ» շքանշանի այսպէտ գեներալ-լեյտենանտ Սեյրան Օհանեանի մի շարք ուղերձներ, հարցազրոյցներ և զեկոյցներ, որոնք, համոզւած ենք, իրենց բովանդակութեամբ անտարակոյս կշարժեն ընթերցողի հետաքրքրութիւնը: Դրանցում յատկապէս նշանակալի տեղ է յատկացւած Պաշտպանութեան բանակի ստեղծման և կայացման, զինւորական ծառայութեան կազմակերպման, զինանձնակազմի դաստիրակութեան, հայոց սպային բնորոշ առանձնայատկութիւնների բացահայտման ու լուսաբանման, բանակ-հասարակութիւն կապի ամրաբնդման խնդիրներին: