Դրամաներում գովերգում է ժամանակակից մարդու կեանքն ու գործը, նրա հայրենասիրութիւնն ու մարդասիրութիւնը: Դրանցում խտացւած են նաև մեր հասարակութեան բնորոշ գծերը՝ հայրենասիրութիւն, ազնւութիւն, բարութիւն, մարդկանց անշահախնդիր ծառայելու պատրաստակամութիւնը:
Հեղինակի հերոսները ոչ միայն ըմբոստանում, այլև համառօրէն պայքարում են մեր առօրեայ կեանքում արմատացող բացասական երևոյթների դէմ:
Զորայր Խալափեանի ներկա ժողովածուն ընդգրկում է ընթերցողին արդեն ծանոթ ստեղծագործութիւններ, որոնք ունեն թեմատիկ որոշ ընդհանրութիւն: «Որտեղ էիր, մարդ աստծո»-ն հեղինակի անդրանիկ վեպն է, լոյս է տեսել 1966 թւականին, թարգմանվել միութենական ու արտասահմանեան բազմաթիվ լեզուներով: Ժողովածուում զետեղված են նաև «Երիցուկի Թերթիկները», «Պատը» և «Սպիտակ մուկը» վիպակները: