Կ. Թերզեանի հոգուն մօտ է մանուկների զրնգուն ու ծիծաղկոտ աշխարհը իրեն էլ մեծ երեխա է համարում: Ծիծաղի հատիկները մանուկների համար գրած նրա 5-րդ գիրքն է, որտեղ արտացոլւած են փոքրերի հնարամտութիւնը, պատկերաւոր խօսքը, բարութիւնը: Երեխաները բառեր են ստեղծում, կատակասեր են, անմիջական: Իսկ թէ ովքեր են Իրանական հերոսները գրքի վերջում կպատմեն լուսանկարները:
Ծիծաղի հատիկները նախադպրոցական հասակի և ցածր դասարանների երեխաների համար է:
Ակնարկների, զրոյցների և յուշագրութիւնների այս ժողովածուն մեր երևելի մարդկանց դիմանկարների իւրատեսակ պատկերասրահ է, որտեղ անցած ու ներկայ ժամանակները սերտօրէն միահիւսւած են և վկայում են, թէ ում և ինչ պահ տւեցինք 20-րդ դարի երկրորդ կէսին, ում հետ և ինչով մտանք 21-դար: Ճանապարհներն այս ու այն կողմ են տարել մարդկանց, խառնել ճակատագրերը, սակայն մնացել են նրանց բարի անունները, ատեղծած գանձերը և հեղինակի կարօտը:
«Փրկւած մասունքներ» գիրքը վաւերագրական պատմւածքների , ակնարկների, զրոյցների ժողովածու է մեր ազգի երևելի մարդկանց մասին, որոնց մի մասի կեանքը, գործունեութիւնը, ճակատագիրը հասարակութեանի, հատկապէս միջին և նոր սերունդներին, հայտնի չեն: Հերոսներից ոմանց հեղինակը հանդիպել է մանկութեան տարիններին և հետագայում, փշուր-փշուր, այստեղից ու այնտեղից տեղեկութիւններ հաւաքելով , կերտել է նրանց պայծառ կերպարները, մասամբ լրացնելով նրանց խաթարւած կենսագրութեան սպիտակ էթերը:
«Փրկւած մասունքները» Թերզեանի 2001 թ. հրատարակած և ընթերցողի կողմից ջերմ ընդունելութեան արժանացած «Բոյլ մեծաց» գրքի շարունակութիւնն է: Հեղինակն այն նւիրում է Հայաստանի Հանրային Ռադիոյի 80ամեակին՝ ի նշան երախտագիտութեան ռադիոյում իր կեսդարեան աշխատանքի: