Գիրքը բովանդակում է հեղինակի երեք ուղեգրութիւնները: Առաջինը՝ Վահրամ Փափազեանի լենինգրադեան տուն՝ արտիստի հարազատների ու խաղընկերների մօտ, երկրորդը՝ Անգլիա-շեքսպիրեան վայրեր, երորդը՝ Մերձբալթեան երկրներ՝ 89թ. թատերական փառատօնին, երբ այս երկրներն արդէն մէկ տարի էր, ինչ հրաժարւելով նախկին Միութեան նիւթական, քաղաքական հովանաւորութիւնից, ապրում էին կիսաքաղց, ռոմանտիկ յեղափոխական պոռթկումներով ու ծանրագոյն կենսապայմաններում, սակայն հարազատի պէս գիրկը բացել և ապաստանել էին երկրաշարժից աղէտեալ մեր հայրենակիցներին:
Հատորում ամփոփւած են Յունաստանում գտնւող Գալֆայեան ընտանիքին պատկանող մշակութային արժէքների հաւաքածոյի արձանագիր իրերը: Առաջին անգամ հրատարակւող 180-ից աւելի արձանագիր իրերն ու նրանց արձանագրութիւնները, 730-ից աւելի լուսանկարներն ու գրչանկարները կարեւոր նշանակութիւն ունեն հայկական կիրառական արւեստի XVI-XIX դդ. մշակոյթի պատմութեան ուսումնասիրման համար:
Արձանագիր իրերից զատ՝ հատորը համալրւած է նաեւ բազմաթիւ իրերի ու առարկայների վերատպութիւններով, որոնք եւս առաջին անգամ են ներկայացւում հայագիտութեանը:
Նախատեսւած է հայ ժողովրդի մշակոյթի ու արւեստի պատմութեամբ զբաղւող մասնագէտների եւ ընթերցող լայն շրջանակների համար: